Skjáttan er app, ið hýsir almennum prógvum og loyvum, sum koyrikortið frá Akstovuni og Samleikakortið frá Talgildu Føroyum.
Endamálið við Skjáttuni er at geva borgarum í føroyska samfelagnum talgild samleikakort at eyðmerkja seg við til ymiskar tænastur í samfelagnum, t.d. um tú skalt prógva bústað fyri at fáa avsláttur frá Strandferðsluni, prógva aldur fyri keyp av ávísari vøru ella prógva, at tú hevur koyrikort, um tú verður steðgað/ur í ferðsluni.
Øll, sum hava Samleikan kunnu brúka Skjáttuna. Tú ritar inn á Skjáttuna við Samleikanum.
Ring 1881 um tær tørvar hjálp við Skjáttuni.
Skjáttan er partur av Talgildu Føroyum.